«Қазақстан Республикасында Тілдерді қолдану мен дамытудың 2011-2020 жылдарға арналған мемлекеттік бағдарлама туралы» Қазақстан Республикасы Президентінің Жарлығын жүзеге асыру мақсатында, 2013 жылдың 16 қыркүйегінде Астана қаласы әкімдігінің ШЖҚ «№1 қалалық ауруханасы» МКК «Мемлекеттік тілді дамыту» тақырыбында дөңгелек үстел өткізілген.

Заң және ұйымдастыру-кадрлық жұмыс бөлімінің бастығы Б. Қалмырзаның төрағалық етуімен аурухана қызметкерлері арасында дөңгелек үстел өткізілді.

Б. Қалмырза Қазақстандағы қазақ тілінің қазіргі заманғы мәртебесі, дамудың үрдістері туралы әңгімеледі. Іс қағаздарды мемлекеттік тілде жүргізу мәселесіне ерекше көңіл бөлінген болатын. Дөңгелек үстелде №1 қалалық ауруханада мемлекеттік тілді енгізу мен дамыту бойынша мәселесі талқыға салынған. Дөңгелек үстел қатысушылары келесі тақырыптар бойынша баяндамаларын дайындаған: «Мемлекеттік тіл мәртебесі», «Жастар және мемлекеттік тіл» «Тәуелсіз мемлекет».

Дөңгелек үстел жұмысының қорытындылары бойынша Астана қаласының №1 қалалық ауруханасының қызметкерлері арасында мемлекеттік тілді дамыту мен оқу бойынша бұдан әрі насихаттау мақсатында ай сайын осындай дөңгелек үстелді өткізу шешілген болатын.