2014 жылғы 26 мамырда медицина ғылымы және денсаулық сақтау саласында Астана қаласы әкімдігінің ШЖҚ «№1 Қалалық аурухана» МКК және  SLU Care’ The Physicians of Saint Louis University, АҚШ арасында өзара түсіністік және қызметтестік меморандум бекітілді.

Жақтар Меморандум аясында ноу-хау, медицина ғылымы және денсаулық сақтау саласында тәжірибе алмасу бойынша екі жақты қызметтестікті жүзеге асырады. 

Денсаулық сақтау саласында екі жақтың бірі ұйымдастырған мемлекеттік денсаулықты сақтау жүйесін түрлі бағытта дамыту бойынша жүргізілетін халықаралық конференцияларға, семинарларға, конграесстерге, симпозиумдарға, көрмелерге, форумдарға, отырыстарға, машықтануларға және жиындарға қатысу, көрсетілген мемлекет азаматтарына медициналық көмек (қызмет) көрсетуге байланысты сұрақтар бойынша кеңес беру жоспарланған.  

Меморандум денсаулық сақтау, медицина ғылымы және білім беру, инновациялық технология трансферті саласында екі мемлекет арасындағы қызметтестікті дамытуға және нығайтуға мүмкіндік береді, сонымен қатар әр азаматтың денсаулықты қорғау бойынша конституциялық құқығын қамтамасыз етуге бағытталған қзметті дамыту және жетілдіруді көздейді.