2014 жылғы 1 желтоқсаннан бастап Астана қаласының №1 қалалық ауруханасында «Трансплантология және гепатобилиарлық хирургия» жаңа бөлімшесі жұмыс істейді, ол заманауи емдік-диагностикалық жабдықтармен жасақталған және 20 төсек-орынған арналған. №1 қалалық аурухана Қазақстанда трансплантологияны дамытатын, Астанадағы қалалық деңгейдегі алғашқы стационар болып келеді.

Алғашқы рет мемлекеттік клиникада трансплантология бойынша жоғары мамандандырылған операцияларды жасауға рұқсат етті. Астана қаласының №1 қалалық ауруханасы осы операцияларды жасауға рұқсат етілген кәсіпорындар тізіміне кірген.

Бөлімше 2014 жылғы 1 желтоқсанда ашылды, бірақ бауыр мен бүйректі алмастыру бойынша операцияларды 2012 жылдан бастады. Бүгінгі күнде Астана қаласының №1 қалалық ауруханасында бауырды трансплантациялау бойынша 9 операция және бүйректі трансплантациялау бойынша 7 операция (тірі донордан) жасады.

Бөлімшенің жұмыс істеу мақсаты диагностикалау, емдік-консультациялық көмек және Республикалық үйлестіру орталығының күту парағында және Орталықтың күту парағында кезекте тұрғандарға емхана, амбулаториялық-емханалық және ауруханалық консультациялық-диагностикалық орталықтары мен қаланың басқа емдеу-профилактикалық мекемелері дәрігерлерінің жолдамасымен операциялық әрекеттерді орындау, соның ішінде гепатобилиарлық жүйе мен бүйректің созылмалы аурулары кезінде ағзаны трансплантациялау болып табылады.