«Халық денсаулығы мен денсаулық сақтау жүйесі»

2009 жылғы 18 қыркүйектегі

№193-IV Қазақстан Республикасының Кодексіне сәйкес

92-бап. Пациенттердің міндеттері:

1. өз денсаулығын сақтаудың қамын жасауға;

2. өз денсаулығын сақтауға және нығайтуға шаралар қолдануға;

3. өз денсаулығын және айналасындағылардың денсаулығын сақтау жөніндегі сақтық шараларын орындауға, медициналық ұйымдардың талап етуі бойынша зерттеп-қараудан өтуге және емделуге, инфекциялық аурулар мен айналасындағыларға қауіп төндіретін аурулар кезінде өзінің ауруы туралы медициналық персоналға хабарлауға;

4. медицина қызметкерлерімен қатынаста сыйластық пен сабырлылық көрсетуге;

5. диагноз қою және ауруды емдеу үшін қажетті бүкіл ақпаратты дәрігерге хабарлауға, медициналық араласуға келісім бергеннен кейін емдеуші дәрігердің барлық нұсқамаларын мүлтіксіз орындауға;

6. медициналық ұйымның ішкі тәртібінің қағидаларын сақтауға және мүлкіне ұқыпты қарауға, медициналық көмек алу кезінде медицина персоналымен ынтамақтастықта болуға;

7. диагностика мен емдеу процесінде, сондай-ақ айналасындағыларға қауіп төндіретін аурулар не оларға күдік пайда болған жағдайларда, өз денсаулығы жай-күйінің өзгерісі туралы медицина қызметкерлерін уақтылы хабардар етуге;

8. басқа пациенттердің құқықтарын бұзатын іс-әрекеттер жасамауға;

9. Қазақстан Республикасының заңдарында көзделген өзге де міндеттерді орындауға;

10. медициналық ұйыммен жасалған шартқа сәйкес амбулаториялық деңгейде медициналық және дәрілік көмек алу кезінде тағайындалған барлық нұсқамаларды орындауға міндетті;

11. Қазақстан Республикасының аумағында тұраны шетел азаматтары жәнеазаматтығы жоқ тұлғалар Қазақстан Республикасының азаматтары секілді денсаулық сақтау саласындағы міндеттерді жүктейді.