2014 жылдың 17 қазанында сағат 12.30-дан бастап 18.00-ге дейін Астана қаласының №1 қалалық ауруханасының конференц-залында уролог, кардиолог және эндокринолог дәрігерлері үшін «Ерлер денсаулығы мектебі» өтетін болады. Сондай-ақ 17.00-де баспасөз конференциясы өтеді.

Б.О. Жарбосынов атындағы Урология ғылыми орталығы бас директоры, Қазақстан Республикасы Денсаулық сақтау министрлігінің бас урологы М.К. Алшынбаевтың бастауымен «Ерлер денсаулығы мектебін» өткізеді, оның мақсаты түрлі жас топтарындағы ер адамдарда уроандрологиялық патологияны анықтау, осы санаттағы ер адамдарда қосарлас ауруларды анықтау, тәртіпаралық тәсілдеменің көзқарасынан уролог, кардиолог, эндокринолог және терапевт дәрігерлері арасында урологиялық пациенттерді диагностикалау мен емдеуді жүргізудің алгоритмін енгізу болып келеді.

«Ерлер денсаулығы мектебі» бағдарламасы шеңберінде 29 қыркүйектен бастап 15 қазан аралығы кезеңінде Астана қаласының №1 қалалық ауруханасының базасында 150 ер адам ақысыз негізде тексерілген. Сондай-ақ 16-17 қазан аралығында 3 маманнан тегін консультациядан өтуге болады (урологтың, кардиологтың және эндокринологтың).

«Ерлер денсаулығы мектебінің» спикерлері:

М.К. Алшынбаев - ҚР бас урологы, м.ғ.д., профессор, ҚР ҰҒА корреспондент-мүшесі, ҚР Мемлекеттік сыйлығының иегері, «Академик Б.О. Жарбосынов атындағы Урология ғылыми орталығы» АҚ-ның бас директоры.

М.Е. Зельцер – Қазақстан профилактикалық медицина академиясының академигі, м.ғ.д., профессор, ҚР еңбегі сіңген қайраткері.

С.Ф. Беркінбаев – Кардиология және іш құрылыстары аурулары ҒЗИ директоры, м.ғ.д., профессор.

З.К. Гаджиева – м.ғ.к., И.М. Сеченов атындағы БММУ-ның Уронефрология және адамның репродуктивті денсаулығы ҒЗИ-ның жетекші ғылыми қызметкері.