Қазақстан Республикасының мемлекеттік рәміздер күні
https://www.auruhana1.kz/index.php/kz/bizdi-zha-aly-tar/1015-aza-stan-respublikasyny-memlekettik-r-mizder-k-ni#sigProIdcf9d9f08ef
«Қазақстан Республикасының мемлекеттік рәміздері туралы» Қазақстан Республикасының 2007 жылғы 4 маусымдағы заңына сәйкес, жылсайын 4 маусым Қазақстан Республикасындағы мемлекеттік рәміздер күні ретінде тойланады. Мемлекеттік рәміздер-бұл мемлекеттің егеменлігі мен біртұтастығын бейнелетін, оның ажырағысыз атрибуттарының бірі. Қазақстан Республикасында Мемлекетті ту, Мемлекеттік елтаңба және Мемлекеттік гимн мемлекеттік рәміздер болып табылады.
Астана қаласының №1 қалалық ауруханасында 4 маусым жұмыс күні Қазақстан Республикасының гимнін орындаудан басталды.
Жиналған әріптестерінің алдында аурухананың бас дәрігері Марат Қарсыбекұлы Абдуов өз сөзін құттықтау сөздерден бастады. Ол мемлекеттік ту мен елтаңбада бейнеленген символдық мәні бар пішіндер мен ою-өрнектерге тоқтала мән беріп түсіндіре кетті.
Бұл күні аурухананың орталық холлы мен Check-Up орталығында Қазақстан Республикасының мемлекеттік рәміздері туралы бейне роликтер көрсетілді.
