2023 жылғы 27 қазанда бірінші қалалық аурухана қабырғасында гибридті офлайн-онлайн форматта халықаралық конференция өтті. Конференция жұмысына республиканың, сондай-ақ колопроктология саласындағы жақын және алыс шетелдердің жетекші мамандары қатысты.

Конференцияны "Астана медицина университеті" КЕАҚ, Ангиохирургия және пластикалық хирургия курстары бар хирургиялық аурулар кафедрасы және Астана қаласы әкімдігінің "Nº1 көпбейінді қалалық аурухана" ШЖҚ МКК ұйымдастырды.

Конференцияда барлығы 15 спикер колоректальды хирургиядағы соңғы жетістіктер, проктологиядағы және ішектің қабыну ауруларындағы диагностика мен емдеудің жаңа әдістері туралы баяндамалар жасады.